Regnvari 40 er vatnsfæla, vatnstær lausn af mónósílani og síloxani, sem smýgur afar vel inn í öll gljúp, steinrík byggingarefni. Regnvari 40 binst steininum órjúfanlegum efnatengjum og gerir hann þannig mjög varanlega vatnsfælin, án þess að hafa áhrif á rakaflutning í loftkenndu ástandi og truflar því ekki rakaskipti steinsins við umhverfið.
Regnvari 40 er sérlega áhrifaríkur við að hefta vatnsísog um háræðasprungur. Regnvari 40 gefur yfirborðinu sterk vatnsfráhrindandi áhrif og hentar því þar sem flöturinn á að standa ómálaður. Eigi að mála flötinn er ráðlegt að nota leysiefnaþynnta málningu í fyrstu umferð t.d. Steinvara 2000 eða Steinakrýl.