Reikningsviðskipti

  • Hefðbundin reikningsviðskipti hjá BYKO miðast við almanaksmánuðinn og uppgjör fyrir 20. næsta mánaðar.
  • Hægt er að sækja rafrænt um reikningsviðskipti hér neðar á síðunni.
  • Viðskiptaráðgjöf metur umsóknir og áskilur sér allan rétt til að hafna eða samþykkja umsókn hverju sinni.
  • Farið er með öll persónuleg gögn samkvæmt persónuverndarlögum. Sjá persónuverndarstefnu.

Umsókn um reikningsviðskipti

Ef umsækjandi er einstaklingur þarf viðkomandi að vera fasteignaeigandi og ekki á vanskilaskrá. Þú getur sótt um reikningsviðskipti með því að fylla út rafræna umsókn sem þú nálgast með rafrænum skilríkjum:

Umsókn um reikningsviðskipti

Ef umsækjandi er lögaðili, t.a.m. einkahlutafélag(ehf) þarf útfyllt og undirrituð ábyrgðaryfirlýsing að fylgja umsókn um reikningsviðskipti. Skilyrt er að hluthafi eða eigandi félagsins ábyrgist úttektir þess og lýtur sömu skilmálum einstaklinga. (Um þetta vísast til tryggingaskilmála hér að neðan). Fyrirtæki og stofnanir á vegum ríkis og sveitarfélaga eru þó undanþegin skilyrði þessu.

Umsókn um reikningsviðskipti
Ábyrgðaryfirlýsing

Mánaðarleg reikningsviðskipti, viðskiptaskilmálar

  • Úttektartímabilið er líðandi mánuður.
  • Gjalddagi er 1.næsta mánaðar.
  • Eindagi er 20.næsta mánaðar.
  • Sé greitt eftir eindaga reiknast vextir frá og með gjalddaga.
  • Innheimtukostnaður fer eftir gjaldskrá hverju sinni.
  • Hægt er að gera upp viðskiptaskuld með raðgreiðsluláni Borgunar hf., Visa og MasterCard og dreifa þannig greiðslum allt að 36 mán.  Lánin bera almenna vexti og lántökugjald samkvæmt gjaldskrá Borgunar hf.

Tryggingar

​Reikningsviðskipti í formi mánaðarlegra viðskipta byggjast á gagnkvæmu trausti þeirra sem að standa. Engu að síður er oft um það háar lánsfjárhæðir að ræða að BYKO ehf. fer fram á tryggingar. Starfsmenn viðskiptaráðgjafar meta þetta hverju sinni. Helstu tryggingarform eru eftirfarandi:

  • Sjálfskuldarábyrgð
    • Eigandi/eigendur gangast í ábyrgðir fyrir úttektum félagsins hjá BYKO ehf.  Viðkomandi þarf að uppfylla sömu skilyrði og einstaklingar sem sækja um þ.e.a.s. vera fasteignaeigandi og ekki á vanskilaskrám. Upphæð ábyrgðar skal taka mið af áætlaðri úttekt félagsins.
       
  • Bankaábyrgð
    • Viðskiptabanki umsækjanda ábyrgist úttektir viðkomandi hjá BYKO ehf. Í flestum tilfellum er tilgreind upphæð sem um ræðir og eins gildistími ábyrgðar. Greiðslu þarf ávallt að inna af hendi fyrir lok gildistíma ábyrgðar.

Aðgangur að Mínum síðum

​Viðskiptamenn bæði í staðgreiðslu og reikningsviðskiptum geta sótt um aðgengi að Mínum síðum þar sem þeir geta nálgast öll gögn er lúta að þeirra viðskiptum við fyrirtækið. 

Sótt er um aðgang á www.byko.is/minar-sidur

Ath. viðskiptakjör geta breyst eða fallið niður án fyrirvara.

Vefkökur

Velkomin í vefverslun Byko. Þessi síða notar vafrakökur (e. Cookies). Það er til þess að tryggja eðlilega virkni og notendaupplifun. Með því að halda áfram notkun síðunnar, samþykkir þú notkun vafrakaka.