Nord Clean rakaeyðir er einfaldur og áhrifaríkur búnaður sem dregur úr of miklum raka í lofti, t.d. í bílum, bátum, sumarbústöðum, kjöllurum og geymslum. Rakinn í loftinu binst saltkristöllunum sem fylgja með í söfnunarílátinu og þéttist í vatn neðst í ílátinu. Þannig bætir rakaeyðirinn loftgæði, dregur úr hættu á myglumyndun og kemur í veg fyrir slæma lykt og mygluþef. Rakaeyðirinn má nota árið um kring, í öllum aðstæðum og hitastigi. Þegar ílátið er orðið fullt og kristallarnir uppurnir er ílátið tæmt og nýjum áfyllingarpoka bætt við. Í pakkanum fylgja söfnunarílát og einn 450 g áfyllingarpoki með saltkristöllum (kalsíumklóríð). Einn poki dugar í um 1-3 mánuði, allt eftir rakastigi og hitastigi í rýminu.