Burðarhæfur grenikrossviður frá UPM Plywood í stærðinni 2500x1200 mm, fáanlegur í þykktunum 9, 12, 15, 18 og 21 mm. Hentar í þak, veggi, gólf og annað burðarvirki, jafnt innanhúss sem í vörðu útiverki.

• Yfirborðsflokkur III/III skv. EN 635-3: opnar sprungur og kvistagöt eru leyfð, en styrkur plötunnar er óskertur. Ætluð þar sem útlit yfirborðs skiptir ekki meginmáli
• Fjöldi laga eftir þykkt: 3 lög í 9 mm, 5 lög í 12 og 15 mm, 7 lög í 18 og 21 mm
• Notkunarflokkur 2 ómeðhöndluð, notkunarflokkur 3 sé platan húðuð og kantar þéttir
• Veðurþolin líming í límflokki 3 skv. EN 314-2, notkunarsvið EN 636-2 fyrir varið útiverk í röku umhverfi
• Meðaleðlismassi 460 kg/m³ og formaldehýðflokkur E1

Platan er ætluð sem burðarhluti og burðarþol reiknast skv. EN 1995-1-1 (Eurocode 5). Kennigildi beygjustyrks samsíða yfirborðsæð eru 28,7 N/mm² fyrir 9 mm þykkt og 18,9 N/mm² fyrir 21 mm. Fullt yfirlit kennigilda ásamt kmod- og kdef-stuðlum er í afkastayfirlýsingu UPM sem fylgir vörunni hér á síðunni.