Mínar síður
Loka valmynd
Í upphafi var einungis verslað með grófa vöru en innan árs var opnuð þar smávöruverslun
Árið 1972 var verslunin flutt að Nýbýlavegi 6 og varð hún strax leiðandi verslun á sínu sviði. Árið 1988 flutti verslunin í nýtt og rúmbetra húsnæði í Breiddinni. Nokkru áður, eða árið 1980, var stórt athafnasvæði fyrir timbursölu tekið í notkun við Skemmuveg í Kópavogi þar sem nú er Timburverslun BYKO í Breiddinni.
BYKO í Hafnarfirði var opnað árið 1984. Verslun BYKO á Hringbraut var svo opnuð árið 1991. Árið 1995 var aðalskrifstofa BYKO flutt af Nýbýlaveginum inn í Breidd, þar sem hún er staðsett enn þann dag í dag.
Árið 1995 keypti BYKO hlut í Trésmiðjunni Akri á Akranesi. Opnuð var verslun BYKO á Akranesi í kjölfarið í húsnæði Akurs árið 2003. Árið 1996 keypti BYKO rekstur verslunarinnar Járn og skip í Keflavík og hefur síðan rekið þar verslun undir nafninu BYKO Suðurnes. Árið 1997 keypti BYKO rekstur Metró að Furuvöllum á Akureyri. Þar var rekin timbursala, lagnadeild og leigumarkaður en ný 2.000 m² smávöruverslun var opnuð í nóvember árið 2000 á Glerártorgi.
Árið 2001 var tekið í notkun nýtt vöruhús fyrir starfsemi BYKO í Kjalarvogi við Sundahöfn. Nú er öll vöruhúsastarfsemi BYKO komin undir eitt þak í um 10.000 m² byggingu.
Verslun BYKO á Granda
Móðurfélag BYKO, Norvik, hefur á síðari árum haslað sér völl erlendis og rekur nú öflugt fyrirtæki í Lettlandi, BYKO-LAT. Þar er unnið timbur og ýmsar timburafurðir sem fluttar eru út til ýmissa Evrópulanda auk Íslands.
BYKO-LAT er eitt af stærstu fyrirtækjum Lettlands í útflutningi á timbri. Árið 2003 opnaði glugga- og hurðaverksmiðja þar en áður hafði sú framleiðsla farið fram á Íslandi. Verksmiðjan framleiðir glugga og hurðir úr timbri svo og álklædda timburglugga. Árið 2003 var fyrirtækið Sia CED í Lettlandi keypt og jukust afköst í timburframleiðslu verulega við það.
Ný og endurbætt verslun í Breidd opnaði í september árið 2002 og var stærsta verslun sinnar tegundar á Íslandi. Í apríl árið 2003 opnaði ný og glæsileg verslun BYKO á Reyðarfirði.
Þann 26.júní 2004 opnaði BYKO verslun sína á Selfossi. Þetta er 4.400 m² verslun og timbursala með hlaðbraut (drive-through). BYKO Selfoss er stórglæsileg verslun og er hún mjög lík í útliti og verslun BYKO í Breidd.
Ný og endurbætt verslun í Breidd opnaði í september 2002
Ný og endurbætt verslun í Breidd opnaði í september árið 2002 og var stærsta verslun sinnar tegundar á Íslandi. Í apríl árið 2003 opnaði ný og glæsileg verslun BYKO á Reyðarfirði.
Þann 26.júní 2004 opnaði BYKO verslun sína á Selfossi. Þetta er 4.400 m² verslun og timbursala með hlaðbraut (drive-through). BYKO Selfoss er stórglæsileg verslun og er hún mjög lík í útliti og verslun BYKO í Breidd.
Timburverslun BYKO í Breidd var tekin í gegn og endurnýjuð árið 2016
Þann 1. júlí 2006 sameinaði BYKO verslun og timbursölu á Akureyri undir einu þaki við Óðinsnes 2. Þar var opnuð stórglæsileg 6500 m² verslun með timbursölu, lagnadeild og leigumarkaði. Timbursalan er stórglæsileg með hlaðbraut (drive-through) þar sem hægt er að fá timbur og aðrar byggingavörur afgreiddar beint í bílinn eða kerruna innandyra.
BYKO opnaði verslun í Kauptúni í Garðabæ þann 9. nóvember 2007. Sú verslun tók við af verslun BYKO í Hafnarfirði sem lokaði þann 8. nóvember eftir að hafa þjónað Hafnfirðingum og Garðbæingum, ásamt öðrum landsmönnum, vel í 23 ár.
Verslun BYKO opnaði á Grandanum í Reykjavík þann 24. apríl 2008. Hún leysti af verslun BYKO á Hringbraut. Þessi glæsilega verslun er hönnuð sérstaklega með markaðssvæði sitt í huga, að þjóna fyrst og fremst viðhaldsmarkaði.
