Steypumót

Steypumót frá Hünnebeck

Leigumarkaðurinn er umboðsaðili Hünnebeck á Íslandi. Hünnebeck var stofnað árið 1929 og er einn af stærstu framleiðendum á steypumótum, vinnupöllum og öryggisvörum fyrir byggingariðnaðinn á heimsvísu. Leigumarkaðurinn býður upp á mikið úrval steypumóta til leigu og sölu frá Hünnebeck. Boðið er upp á kranamót, handflekamót, sökkulmót, loftamót og súlumót ásamt öllum þeim fylgihlutum sem með þarf.

Verð pr. m2 fer mjög mikið eftir því hvernig samsetningu efnisins er háttað. Mótapakki með hlutfallslega miklu magni af stórum flekum og færri fylgihlutum er ódýrari en mótapakki sem inniheldur mikið af litlum flekum, hornum og miklu magni af fylgihlutum.

MANTO veggjamót (kranamót) eru sterk og auðveld í notkun ef menn hafa krana á verkstað. Hægt er að fá mótin í ýmsum stærðum, algengasta hæðin er 3m og eru breiddir frá 30-240cm. Vegna sterkra festinga er hægt að hífa allt að 40 m2 af samsettum mótum í einu lagi. Mótin eru sérstaklega sterk með 14 cm stál prófíl og þola steypuþrýsting í allt að 80 kN/m2.

RASTO/TAKKO veggjamót (handfleka-/sökkulmót) eru sterk en á sama tíma mjög létt og henta vel fyrir þá sem hafa ekki aðgengi að krana, stærstu flekarnir eru ekki nema 76 kg. RASTO mótin eru í mörgum stærðum, algengasta hæðin er 3m og eru breiddir frá 30-90cm. TAKKO mótin henta vel til að gera sökkla en passa einnig saman við RASTO flekana. Hæðin á þeim er 1,2m og eru breiddir frá 30-90cm. Mótin eru sérstaklega sterk með 12 cm stál prófíl og þola steypuþrýsting í allt að 60 kN/m2.

TOPEC loftamót eru úr áli og eru létt og meðfærileg og eru eingöngu til sölu. Hraði við undirslátt eykst til muna við notkun þessara móta og getur vinnusparnaður verið allt að 60%. Jafnvel stærstu flekarnir sem eru 180x180cm eru auveldlega meðhöndlaðir af tveimur mönnum. Öruggt í notkun og hægt að vinna við uppslátt í allt að 3,5m hæð í 3 einföldum skrefum.

Súlumót eru hringlaga og bæði sterk og mjög fljótleg að vinna með. Áferð steypunnar verður mjög góð eftir að steypuvinnu er lokið.

Vefkökur

Velkomin í vefverslun Byko. Þessi síða notar vafrakökur (e. Cookies). Það er til þess að tryggja eðlilega virkni og notendaupplifun. Með því að halda áfram notkun síðunnar, samþykkir þú notkun vafrakaka.