​BYKO ehf. stofnar til tímabundinna reikningsviðskipta við lántakanda skv. greiðslumati og  lánaskilmálum Pei.  Opnaður er viðskiptareikningur til allt að 90 daga (framkvæmdatími) og að þeim tíma liðnum yfirtekur Pei viðskiptakröfu eins og hún stendur á þeim tíma.  Ekki er hægt að óska eftir framlengingu á opnun viðskiptareikningsins.
Lántakandi skal í öllum tilfellum leita til Pei vegna lánsins.

Úttektarheimild er ákvörðuð skv.greiðslumati Pei ehf. og er ekki til greiðslu á eldri viðskiptaskuld lántaka ef um það er að ræða hjá BYKO ehf.  Eldri kröfur BYKO ehf. eru innheimtar skv. almennum skilmálum um reikningsviðskipti hjá BYKO ehf.

Lántakandi er skilgreindur sem úttektaraðili á viðskiptareikningi hjá BYKO ehf. Óski lántakandi eftir að fjölga úttektaraðilum á viðskiptareikningnum eru það alfarið á ábyrgð lántakanda og ber lántaki fulla ábyrgð á úttektum gerðum af þeim aðilum.

BYKO ehf. áskilur sér rétt til að lækka eða loka fyrir úttektarheimild á viðskiptareikningi komi beiðni um slíkt frá Pei. Eins ef lántaki lendir á vanskilaskrá eða lánshæfismat lántaka lækkar umtalsvert á úttektartímabilinu.

Úttekt lántakanda er vaxtalaus á framkvæmdatímanum.  Að framkvæmdatíma liðnum er úttektarheimild felld niður.  Ef lántakandi var fyrir lántöku í reikningsviðskiptum við BYKO ehf. mun lántakandi fara aftur í sömu kjör skv. almennum skilmálum um reikningsviðskipti hjá BYKO ehf.