Leita
Innskráning
Sláðu inn símanúmer

Góð ráð

Pallur og garður

Viðhald á pallinum

Viðhald á pallinum

Til þess að halda fallegum og góðum palli sem nýtur sín vel í garðinum er gott að viðhalda honum vel. Hér förum við yfir hvað þarf að hafa í huga áður en við hefjumst handa og hvernig best er að viðhalda pallinum.

Fallegur, ljós viðarpallur
Viðhald í nokkrum skrefum

Viðhald á pallinum er ekki flókið, en það er þó mikilvægt til að viðhalda útliti hans og lengja endingartíma.

Pallur úr gagnvarðri furu í góðu ástandi
Vörur til að hreinsa pallinn

Wimex plastpallaefni sem þarfnast minna viðhalds en hefðbundið efni
Nánari upplýsingar
Meðhöndlun á yfirborði viðar

Viðurinn þarf að vera vel þurr (rakainnihald minna en 20%).

Best er að meðhöndla allt tréverk áður en það er sett upp utandyra. Rannsóknir staðfesta að þannig má margfalda endingu viðarvarnarefna.

Ef viðurinn er látinn standa óvarinn utanhúss valda útfjólubláir geislar sólarinnar niðurbroti á yfirborði viðarins og viðurinn verður grár. Þennan gráma verður að fjarlægja ef tryggja á góða endingu.

Leggja ber ríka áherslu á að metta endatré þannig að vatn eigi ekki greiða leið inn í opin sár viðarins.

Gagnvarinn viður þarf að standa í 3-4 mánuði áður en yfirborð hans er meðhöndlað.

Rétt þykir að vara við notkun á galvaniseruðum saumi undir ljósa liti í vatnsþynntum viðarvarnarefnum vegna hættu á ryðsmiti í gegnum málninguna. Tryggast er að nota ryðfría nagla og/eða skrúfur.

Tvær aðferðir eru algengastar við að gagnverja timbur, þ.e. A- og B-vörn. A-vörn er með grænleitum lit en B-vörnin er með olíublönduðum efnum og er litlaus.

Gagnvarið timbur

Notuð eru vatnsleysanleg og sveppaeiturefni og er sú vörn oftast nefnd þrýstifúavörn.

Yfirborðið þarf að meðhöndla á sama hátt og á öðru timbri gegn ágangi vatns og sólarljóss.

Ráðlagt er að leyfa timbrinu að þorna vel eftir að það er gagnvarið og áður en það er yfirborðsvarið.

Berið á timbrið feitan olíugrunn og síðan venjulega viðarvörn.

Varast skal að setja þekjandi viðarvörn á lárétta fleti.

Nauðsynlegt er að nota litaða viðarvörn til að minnka áhrif sólarljóss á timbrið. Ef gagnvarið efni er sagað, heflað eða unnið á annan hátt þarf að bera í sárið viðurkennt fúavarnarefni.

Yfirborð timburs má meðhöndla nokkrum dögum eftir að það er gagnvarið

Ekki er nauðsynlegt að bera feitan olíugrunn á nýlega gagnvarið timbur. Að öðru leyti gilda sömu reglur um yfirborðsmeðhöndlun á A- og B-vörðu timbri.

Vörur til að bera á pallinn

Valmynd