Mínar síður
Loka valmynd
Timbur er án efa það efni sem mest hefur verið notað til húsbygginga í áranna rás í Norður-Evrópu og höfum við stöðugt verið að þróa aðferðir til að kalla fram bestu eiginleika timburs.
Timbur má nota til allra þátta bygginga, t.d. í burðarvirki, klæðningar, innréttingar, gólfklæðningar og víðar. Í öllum tilfellum er nauðsynlegt að þekkja hvernig timbrið hagar sér við mismunandi aðstæður.
Timburvinnsla BYKO fer núorðið alfarið fram í timburverksmiðjum fyrirtækisins í Lettlandi, BYKO-LAT. Vinnslan fer fram undir sérstöku eftirliti Nýsköpunarmiðstöðvar Íslands.
Burðarviður er heflað timbur sem er sérstaklega valið og síðan þurrkað til að ná tilskyldum styrktarflokki. Samkvæmt byggingareglugerð verður að nota styrkflokkað timbur í íslenskum húsum.
Gagnvarið timbur er meðhöndlað með söltum og olíum til að auka mótstöðu þess gegn lífrænum efnum og lífverum, eins og fúasveppum og skordýrum, sem brjóta timbrið niður.
BYKO býður mikið úrval af alhefluðu húsþurru timbri sem nýtist vel innanhúss. Þurrkun minnkar líkur á því að timbrið vindi upp á sig. Einnig eykst styrkleiki timbursins þegar rakinn minnkar.
Að mestu notað í uppslátt og þakklæðningu og fellur í svo kallaðan 5. eða 6. flokk timburs, þ.e. lakari gæði en t.d. burðarviður eða grindarefni.
