BYKO hefur tekið ákvörðun um að hækka ekki verðlistaverð að minnsta kosti næstu sex mánuði. Til að ná þjóðarsátt þurfa allir aðilar að koma að málum, fyrirtæki landsins, hið opinbera og aðilar vinnumarkaðarins. Ákvörðun BYKO er tekin til að sýna í verki samfélagslega ábyrgð í takt við áherslur fulltrúa verkalýðsforystunnar og atvinnulífsins.

Ástæður fyrir ákvörðuninni:

BYKO lítur á það sem sitt hlutverk að axla ábyrgð í baráttunni gegn verðbólgu, í ljósi stærðar sinnar og áhrifa í byggingariðnaði.Stuðningur við byggingariðnaðinn: Greinin er undir miklu álagi vegna vaxtastigs og verðbólgu.Stuðningur við almenning við framkvæmdir: Endurgreiðsluhlutfall vegna viðhalds, endurbóta og byggingar á íbúðarhúsnæði hefur lækkað. Áfram verður þó þörf á framkvæmdum, svo sem nýbyggingum, endurbótum og viðhaldi.Hvatning til allra í virðiskeðjunni: Mikilvægt er að allir aðilar taki virkan þátt í að takast á við verðbólguna. Næstu misseri munu fara í að endursemja við okkar birgja á þessum forsendum og fá þá í lið með okkur að tryggja áframhaldandi stöðugleika. Mikilvægt er að allir í virðiskeðjunni séu samstíga til að markmiðin náist.Styðja við samstarf verkalýðsforystunnar og atvinnulífsins: Stjórnendur BYKO vilja einnig leggja sitt á vogarskálarnar til að styðja við samstarf verkalýðsforystu og atvinnulífs sem miðar að því að halda verðbólgunni í skefjum með hagsmuni samfélagsins að leiðarljósi.

„Í BYKO erum við meðvituð um mikilvægi þess að taka virkan þátt í samfélaginu og leggja okkar af mörkum til að bæta lífsgæði Íslendinga. Með ákvörðun okkar um að halda verði stöðugu næstu sex mánuði, viljum við ekki aðeins sýna ábyrgð okkar sem leiðandi fyrirtækis, heldur einnig vera hluti af lausninni í baráttunni gegn verðbólgunni, í samræmi við áherslur fulltrúa verkalýðsforystu og atvinnulífs. Við trúum því að með því að stíga þetta skref, getum við hvatt aðra til að fylgja okkar fordæmi og þannig stuðlað að heilbrigðara hagkerfi. Góður andi í kjaraviðræðum gefur tilefni til bjartsýni og vill BYKO leggja sitt að mörkum til að svo verði áfram. BYKO kann að endurskoða ákvörðunina í ljósi breytinga á hagkerfinu og niðurstöðu kjarasamninga, “ segir Sigurður Brynjar Pálsson, forstjóri BYKO.

BYKO hefur um árabil verið í fararbroddi í sinni grein þegar kemur að samfélagslegri ábyrgð og sjálfbærni, með sérstaka áherslu á umhverfisvernd og áhrif starfseminnar á samfélagið í heild. Nánari upplýsingar er að finna í sjálfbærniskýrslu fyrirtækisins á sjalfbaerni.byko.is