BYKO selur gagnvarða furu skv. norrænum stöðlum í flokkum NTR AB og NTR A. Viðurinn er afhentur sléttheflaður. Framleiðsluaðferðin veitir góða fúavörn, en timbrið þarfnast þó fljótlega meðhöndlun eftir að hafa verið lagt, s.s. með viðarvörn. Meðhöndlun á viðnum stýrir að stærstu leiti lit og áferð hans.

Gagnavörnin minnkar veðrunaráhrif auk þess að verja timbrið fyrir fúa. Gagnvarið pallaefni hefur verið notað í áratugi á Íslandi með afbragðs árangri. Timbrið kemur úr sjálfbærri skógrækt og er FSC og/eða PEFC vottuð frá framleiðendum. Fjölbreytt úrval af stærðum er í boði.

Stærðir:

Fjöldi stærða í boði, sjá verðlista.

Sjá verðlista.

Viðhaldsfrítt og slitsterkt WPC efni frá danska fyrirtækinu Wimex, sem ekki þarf að slípa eða olíubera, einungis þrífa reglulega.

Pallaefnið kemur í þremur litum:

- Matt svart
- Matt brúnt
- Matt "umber"

Stærðir:

22x140x3600 mm.

Sjá verðlista.

Pallaefnið er búið til úr 1. flokks endurunnu plasti, en 60% af innihaldi þess eru þó timburtrefjar. BYKO hefur selt efnið í fjölda ára og hefur það fengið frábær viðbrögð frá viðskiptavinum. Góðar leiðbeiningar fylgja um uppsetningu og umhirðu pallsins.

Pallaefnið er fest niður með földum festingum (T-clips). Efnið þarfnast lágmarks viðhalds og er auðvelt í lagningu. Efnið hefur mikinn endingartíma og klofnar ekki.

Efnisinnihald: 30% HDPE (plastefni sem er unnið úr endurunnu plasti). 60% Timburtrefjar (FSC vottað). 10% Íblöndunarefni (bindi- og litarefni). Efnisblandan sér til þess að gró, mygla og sveppir þrífast aðeins á yfirborðinu en grafa sig ekki ofan í kjarnann og eyðileggja þannig fjalirnar.

Svanfríður Hallgrímsdóttir landslagsráðgjafi veitir viðskiptavinum ráðgjöf um framkvæmdir í garðinum. Tilgangur ráðgjafarinnar er að auðvelda fólki útfærslur á palli og girðingum með efni og vörum frá BYKO.

Tími hjá Svanfríði kostar 9.995 kr. og þú færð þá upphæð til baka í formi inneignar upp í pallaefni hjá BYKO.

Þegar fólk hefur pantað tíma í ráðgjöf er því bent á að senda auka myndir og önnur gögn á pallaradgjof@byko.is.

Innifalið er: 45 mínútna viðtal við Svanfríði hvort sem er í verslun Breidd eða í fjarfundi í gegnum Teams.

Útlitsmyndir af hönnuninni eru sendar samdægurs. Endanleg hugmyndabók með þrívíðum teikningum ásamt málsetningum sendar u.þ.b. viku eftir ráðgjöf

Gagnvarin fura skv. norrænum stöðlum í flokki NTR AB. Timbrið er meðhöndlað með línolíu sem þrýst er inn í viðinn. Þessi framleiðsluaðferð minnkar vatnsupptöku viðarins og viðhaldsþörfina. Yfirborð er rásað og því síður hált í bleytu. 7 ára ending áður en tími kemur að frekara viðhaldi. 20 ára ábyrgð er gegn fúa.

2 litir í boði: Linax Brun og Linax Grey.

Þetta pallaefni er svansmerkt. Timbrið kemur úr sjálfbærri skógrækt og er FSC og/eða PEFC vottuð frá framleiðendum.

Stærðir:

28x145 mm.

Áferð Therowood (Lunawood-D, greni) er ljósbrún en viðurinn er einnig burstaður. Þetta timbur er svansvottað,umhverfisvænt og sérlega endingargott. Faldar festingar tryggja fágað yfirborð því engin nagla- eða skrúfugöt eru sjáanleg. Viðurinn er varinn á þann hátt að hann verður síður fyrir formbreytingum eða rakaskemmdum.

Stærðir:

28x145 mm.

Með hitameðhöndlun er ending pallaefnisins aukin án nokkurra íblöndunarefna. Thermowood þarfnast lítils viðhalds, jafnvel í óblíðri veðráttu eins og á Íslandi. Þörf er á að olíubera hann reglulega eða nota á hann viðarvörn til að halda upprunalegum lit. Ef viðurinn er ekki olíuborinn tekur hann á sig fallegan, silfraðan lit. Áætlaður endingartími Thermowood er allt að 30 ár.

Þótt viðurinn sé sagaður eða unnið með hann á annan hátt breytast ekki eiginleikar hans, þar sem allar fjalir eru meðhöndlaðar inn í kjarna. Þó ber að gæta þess að þegar unnið er með viðinn skal meðhöndla hann líkt og um harðvið væri að ræða, þótt hann sé mun mýkri og þægilegri í meðferð.

Ljósbrúnn endingargóður harðviður frá Asíu. Rásað yfirborð. Áralöng afbragðsreynsla á Íslandi.

Bangkirai gránar fallega með tímanum. Þetta er afar þéttur viður og lifir mun lengur fyrir vikið.

Stærðir:

19x90 mm.

21x145 mm.

Gullinbrúnn harðviður frá Suður Ameríku sem notið hefur mikilla vinsælda og sannað endingu sína á norrænum slóðum. Til að halda upprunalegum lit viðarins þarf að olíubera hann reglulega.

Stærðir:

21x145 mm.

Ljósbrún áferð er á Kebony við. Kebony er í raun fura sem er búið að meðhöndla á sérstakan og nýstálegan hátt þannig að það fær endingu á við harðvið. Timbrið er svansvottað, umhverfisvænt og meðhöndlað með vistvænum efnum. Yfirborðið er slitsterkara og líftími þess lengri. Kemur bæði sléttheflað og rásað. Yfirborðir er viðhaldsfrítt og þarf eingöngu þrífa. 3 ára ábyrgð eru á pallaefninu á gegn fúa.

Stærðir:

28x120 mm.