Grænn Bosch

Grænn Bosch eru þýsk gæðaverkfæri fyrir heimilið og garðinn. Endalausir möguleikar og fjölbreytni, gæðin eru í fyrirrúmi á sem hagstæðasta verðinu.

Frá árinu 1969 hefur Bosch verið í farabroddi þegar kemur að rafhlöðudrifnum verkfærum bæði fyrir heimilið og garðinn. Þetta rafhlöðukerfi heitir í dag "Power For All" og er bæði fyrir 12v og 18v rafhlöður. Í dag eru yfir 20 milljónir slíkra rafhlaða í umferð víða um heim.

Blár Bosch Professional

Blár Bosch Professional eru þýsk rafmagnsverkfæri fyrir fagaðila. Gríðarlega mikið úrval í verkfærum bæði sem ganga fyrir rafmagni og rafhlöðum.

Tvö kerfi í gangi 12v og 18v, allt það besta í einu vörumerki fyrir fagaðila, ProCore rafhlöður , BiTurbo verkfæri, L-Boxx heildarlausnir, Expert vörulína í fylgihlutum, aukaábyrgð, varahluta og viðgerðaþjónusta.

Bláa línan frá Bosch er hönnuð með endingu, skilvirkni, öryggi og þægindi í huga fyrir fagmenn. Nýjust verkfærin í þessari línu er svokölluð BiTurbo verkfæri og koma öll í 18V rafhlöðulínunni. Það sem gerir þessi verkfæri svo öflug er samvinna rafhlöðu og kolalausra mótora með það að markmiði að hámarka afköstin án þess að draga úr endingu rafhlaða. Í dag fást í BYKO fjölmörg BiTurbo verkfæri og yfir 100 verkfæri sem passa við sömu rafhlöðurnar. Einnig er Bosch að kynna nýjustu sagarblöðin og bora með karbít lausnum sem gera alla vinnu mun þægilegri og fljótvirkari sem minnkar sóun og er umhverfisvæn í framleiðslu.

Hvað er ProCore rafhlaða?

Nýjustu rafhlöðurnar heita ProCore og hafa slegið í gegn hjá fagfólki. Þessi rafhlaða gefur 85% meira afl en eldri rafhlöður frá Bosch. Þá er hún 24% léttari og líftími hennar 135% lengri.

Sérstakt hitaleiðandi efni umliggur hverja og eina rafhlöðusellu ásamt því að leiða út hitann og heldur kjarnanum þannig í réttu hitastigi. Það leiðir til lengri vinnutíma í erfiðari verkefnum og hentar einkar vel við kaldar aðstæður á norrænum slóðum.

ProCore passar í öll eldri Bosch tæki frá árinu 2008. Stærðir í boði eru eftirfarandi: 4.0ah - 5,5ah - 8,0ah - 12,0ah.