Sjálfbærniskýrsla 2021

Ávarp forstjóra

Við í BYKO gerum okkur grein fyrir þeirri ábyrgð sem fylgir því að innleiða sjálfbærni í reksturinn og taka þar af leiðandi ábyrgð á að komandi kynslóðir ættu ekki vera verr settar en núverandi kynslóðir varðandi hag og velferð manna og dýra í framtíðinni. Þau samfélög sem aðhyllast sjálfbærni reyna að endurnýta það sem þau geta svo  komandi kynslóðir geti notið þeirra auðlinda sem jörðin hefur uppá að bjóða líkt og núverandi kynslóðir hafa gert. Við í BYKO vinnum af heilindum að innleiða sjálfbærni þar sem við vinnum að öllum stoðum hennar sem eru umhverfismál, félagsleg mál og stjórnarhættir.  

Sigurður Brynjar Pálsson, forstjóri BYKO

Byggingariðnaðurinn stendur frammi fyrir stórum áskorunum varðandi umhverfisáhrif en losun gróðurhúsalofttegunda á heimsvísu er allt að 40% og því byggingariðnaðurinn hvað einn mest mengandi iðnaður á heimsvísu. Ísland ásamt flestum ríkjum heims hefur skuldbundið sig til að draga úr þessari losun með aðgerðum og við í BYKO höfum einnig skrifað undir loftlagsyfirlýsingu Reykjavíkurborgar og Festu um slíka skuldbindingu.  

Vistvænar áherslur í byggingariðnaði fara vaxandi og hvatarnir fyrir slíkum byggingum eru margir. Við viljum vera leiðandi og hafa áhrif þegar kemur að vistvænum áherslum. Rannsóknir sýna að byggingar sem uppfylla umhverfisvottun eru verðmætari, hafa betri ímynd og draga til sín lægri rekstrarkostnað á líftímanum. Einnig snýr þetta að heilsufari þeirra sem þar fara um, því minni notkun skaðlegra og heilsuspillandi efna í byggingarvörum stuðla að heilnæmara umhverfi.  

Ábyrgð okkar í BYKO snýr að okkar eigin rekstri en unnið er í gegnum heimsmarkmið Sameinuðu þjóðanna að þeim markmiðum sem samræmast hlutverki og kjarnastarfsemi fyrirtækisins. Ábyrgð okkar snýr einnig að geta boðið viðskiptavinum okkar sem standa í byggingarframkvæmdum upp á valkosti sem snúa að vistvænum byggingarefnum ásamt faglegri ráðgjöf er varðar vistvottunarkerfi. 

Við hvetjum aðra til að leggja sitt af mörkum því eins og slagorð okkar segir “Gerum þetta saman”. 

 


Efst á síðu
Næsti kafli - Um BYKO

Vefkökur

Velkomin í vefverslun Byko. Þessi síða notar vafrakökur (e. Cookies). Það er til þess að tryggja eðlilega virkni og notendaupplifun. Með því að halda áfram notkun síðunnar, samþykkir þú notkun vafrakaka.